Tuesday, 10 August 2010 16:05
MiTinHamber.com ta un concepto completamente nobo na Aruba. Si abo sa hayabo cu hamber y no sa kiko pa come, MiTinHamber.com ta e website pabo. Riba MiTinHamber.com bo por haya varios menu di diferente restaurant nan bo dilanti. E mas miho ta, cu simplemente un paar di click bo por order bo cuminda online. E restaurant ta haya e pedido aki inmediatamente. Dus di awo pa dilanti bo no lo tin problema mas cu buscamento di number di telefon of menu bieuw cu kizas bo tin.
Diasabra anochi EPI tabata yena di fanatico di Chef Antonio “Joselito” Albertsz. Parlamentario Andin Bikker y representante di Minister of Turismo Carlyle De Coteau tabata presente pa e cena Sabor 2010 Disney y a entrega Chef Joselito un plakaat nombrando e como un Embahador di Bon Boluntad pa e isla di Aruba y el a ricibi un pin cu escudo di Aruba mescos cu su hefe na Disney World Sous Chef Andrew Albin.
