Music

Valentino King - Hopi Dolor ( by DC Worx)

Wednesday, 11 August 2010 15:32 Written by Administrator

Despues di un tremendo zomertour den Europa awor Valentino King ta lansa su cantica nobo pa Aruba.
Di basta tempo caba information ta drentando cu e Artista Arubiano Valentino King cu actualmente na Hulanda ta den studio di grabacion grabando cancion nan pa su album nobo.
Despues di a tour na Canada unda cu e la sa di representa su dushi Isla Aruba na differente festival e la dicidi di bay Amsterdam. Eynan e ta grabando cu differente producers nan entre otro K-liber 4 life, Rage Productz y Dj Jackson pa menciona un paar.

Lesa mas.....

"10-10-10"- Piesa nobo pa Amos & Cache Deluxe

Wednesday, 04 August 2010 22:47 Written by Administrator

Ku un saludo "a la Cache" nos ta presenta e piesa "10-10-10".
Relaciona ku desmantelaccion di Antia Hulandes riba e fecha 10-10-10, Cache Deluxe bin na e idea pa lansa un piesa ku ta karga e titulo "10-10-10".
Ta un piesa originalmente di Gypsy, titula "The sinking ship". E letranan di "10-10-10" ta un komposiccion di Djoni Leoneta i Dwight Leoneta.
Melodia i Areglo adapta pa Dwight Leoneta. Amos Balentin ta e interprete di "10-10-10".
Cache Deluxe tin ku menshona tambe ku e piesa aki no ta mara na ningun partido of organisashon politiko.
Athunto e musika, flyer promoshonal i letranan di "10-10-10" Enjoy un biaha mas di e musika Cache,
Cache Bring The Beat Back!

Rocco loop stage in Cache DeLuxe!!!

Wednesday, 04 August 2010 13:46 Written by Administrator

Rocco loop stage in Cache DeLuxe asina a ser bisa den fiesta!!! Despues cu Roderick Franken a bandona su isla natal ,Aruba, 2 siman pasa a hasi su debut den e front line di e banda Cache Deluxe, siman pasa diabierna na zoetermeer party centrum, cache,Qsign y rasta le. Loke por a compronde cu e publico a acepta cu manan habri. E prome cancion cu e la presenta tabata "Dushi Mi Stimabo".

Por a compronde tambe cu na Zoetemeer e train bastante intenso paso hasta e pasonan e sa caba di e cancionan. Tambe Rocco a presenta diadomingo tambe na zwijndrecht, eynan y por a bisa cu ela lanta publico mas ahinda....Pabien Rocco y exito cu e cancion pronto na caminda.........

Juanes ta duna un adelanto di su disco nobo y “Yerbatero” ta un di nan

Saturday, 17 July 2010 02:50 Written by Administrator

Despues di tres aña sin tin nada graba y poni riba un produccion discografico aworaki nos por bisa cu tabata bale la pena e regreso di Juanes cu ta mas fuerte cu nunca.
Via di su pagina oficial e ta comparti cu su publico parti di e forma con e disco a wordo graba, cu porcierto lo sali riba mercado pa november di e aña’ki.

Lesa mas ....

“Pidi un deseo” t’e producion mas nobo di Tony Sherman despues di casi 13 aña

Saturday, 17 July 2010 01:49 Written by Administrator

Tabata sigur 48 aña pasa cu e popular y consentido di Aruba y Antias Tony Sherman a inicia su carera cantando como solista y awe despues di mas o menos 13 aña e ta bolbe lansa un produccion nobo cu ta contene 13 tema.
E produccion aki a haya como titulo “Pidi un deseo”, esaki sigur ta un deseo cu hopi tempo Aruba y Antias sigur tabata cana cune basta tempo y aworaki por fin esaki ta bira realidad, den forma di letra, melodia y e bos inconfundibel di Toni Sharman.
E album aki “Pidi un deseo” manera ya caba nos a redacta ta contene 13 piesa solido den dje, cada un tema ta un tema riba su mes y lo mas penetrante di cada un di nan ta cu e ta den nos lenga esta papiamento.
Un persona clave den e produccion aki ta Dhaddy Brokke cu a percura p’e traduccion mas senciyo, simpel y sin perde su toke sensual den cada tema cu ta gosa un bos melodioso sigur cu ta caracterisa Toni Sherman pa esaki.
Den e produccion aki p’a prome biaha Toni ta inculca su mes asina profundo den esaki, pa prome biaha e ta toca mayoria di e instrumentonan den e tema.