Sports

Shanayah Howell tambe ta riba e Wall of Fame di Paseo Herencia

Monday, 30 August 2010 18:56 Written by Administrator

Diadomingo atardi, Paseo Herencia a tene un bike tour na honor di nos orguyo coredor di BMX, Shanayah Howell. Un cantidad grandi di mucha y hende grandi a participa na e bike tour, cu porcierto tabata uno super colorido.
Na final, gerente general di Paseo Herencia, sra. Valerie Pietersz-Camacho y relacionista publico, sra. Sharmaine Tromp hunto cu su excelencia Minister di Salubridad y Deporte, dr. Richard Visser a haci entrega di un cuadra na Shanayah.

Lesa mas......

“TEAM Aruba” ta sigui cu su programa na Merca y actividadnan na Aruba

Monday, 30 August 2010 18:17 Written by Administrator

NORTH CAROLINA- Dianan 9 y 10 di September 2010 TEAM ARUBA lo participa na caredanan di ADRL na Rockingham, NC. (ADRL Flowmaster Dragstock VII).
Actualmente mayoria miembro di TEAM ARUBA ta na Aruba pa yuda y respalda Rustico Werleman cu “The Return of Christine”.
Despues di un ausencia di casi 8 aña, “Christine” lo ta bek riba pista di Palo Marga. Durante e siman, dia `19 di Augustus 2010 Christine a haci su prome presentacion cu tremendo Car Show na Plaza 18 di maart banda di Oficina principal di DIGICEL.

Lesa mas......

Aruba campeon Mundial.

Friday, 20 August 2010 17:48 Written by Administrator

Aruba awe merdia a bira campeon mundia den Little League Senior Division na Bangor, Maine. E muchanan di e ekipo campeon Latino Americano a bay ariba for di prome inning ora cu nan a anota tres careda. Un score cu nan a mantene te den di cinco inning ora cu e ekipo di cas, Bangor, a logra hinca un careda. Despues di esaki nan a wanta e score y den nan ultimo turno na bate, e muchanan a anota 5 careda, y a dal nan prome homerun di e torneo pa finalisa e wega 8-1 y bira campeon mundial di Little League Senior Division. E hobennan lo yega Aruba diadomingo anochi y ta preparando un gran recibimento pa nan.

Aruba BMX and Skate Foundation cu Prome Evento Exitoso!!!

Friday, 20 August 2010 00:45 Written by Administrator

JABURIBARI- Aruba BMX and Skate Foundation por mira atras riba e ‘Back 2 School BMX and Skate Competition’ exitoso!
Na un parke Jaburibari completamente yen di espectadornan y mas di 30 participante den e competencia, e organizadornan ta sumamente satifecho con e dia a bai.
Na final di e evento Minister di Deporte y Salubridad Dr.Richard Visser a hasi su entrada ariba un BMX bike bahando for di un muraya di baranca riba e pista di competencia.

Sarah Quita Offringa a termina na di 4 lugar, pero ta keda como e number dos di mundo

Tuesday, 17 August 2010 15:39 Written by Administrator

Sarah Quita Offringa a caba su careda na Alacati, Turkia, na unda el a termina na di 4 lugar den e Pegasus Airlines PWA World Tour. Debi na falta di biento e ultimo fecha tampoco a ser cori pues e standing final a keda mescos cu algun dia atras. Manera nos a menciona algun dia atras, cu Sarah no a cuminsa fuerte pero despues ta recupera bon ganando e ultimo careda, pero despues pa tres dia largo no tabatin biento, debi na esaki caredanan a ser para, net na un mal momento pasobra Sarah tabata biniendo bon bek den e evento. Apesar di su 4 lugar asina mes Sarah Quita a keda ocupa e segundo lugar riba e tabla di posicion mundial, tras di Karin Jaggi.