Events

Aruba College Fair 2010 ta na caminda!

Thursday, 02 September 2010 16:19 Written by Administrator

E evento educativo mas grandi di Aruba ta na caminda un biaha mas! Manera comunidad sa caba, cada dos aña Aruba College Fair ta tuma luga caminda scolnan local y for di diferente parti di mundo ta bishita nos Feria e.o Continente Americano, Caribe, Hulanda y Belgica. Studiantenan y nan mayornan ta haya e oportunidad pa papia y conoce e universidadnan di cerca. Principalmente e ta un oportunidad cu ta wordo ofreci pa conoce diferente profesionnan, dunando e facilidad pa cada studiante tuma un miho decision pa su futuro. E encuentro ta duna e studiantenan y nan mayornan e oportunidad pa haci preguntanan na un nivel personal dunando nan e confiansa pa tuma un decision mas informa.

Lesa mas..........

Fun Miles ta introduci Top 1 Toys cu competencia di pintamento y premio

Thursday, 02 September 2010 16:17 Written by Administrator

E tienda di cos di hunga Top 1 Toys ta e partner nobo di Fun Miles, e programa di spaar y cambia punto gratis di mas grandi di Caribe. Te 11 di september Top 1 Toys ta regala dobel Fun Miles. Tambe tin un competencia di kleurmento pa mucha y tin chens pa gana 10.000 Fun Miles y un pakete pa knutsel hopi bunita. Banda di esaki Top 1 Toys tin iniciativanan atractivo manera ‘Toppie’s Verjaardagsbox’ cu ya ta hopi popular.

Lesa mas..........

Bautismo di e boto nobo di SARFA: “Aruba Way Rescue”

Tuesday, 31 August 2010 13:36 Written by Administrator

Diabierna atardi, e organisacion Search and Rescue Foundation (SARFA) tabatin e bautismo di su adkisicion nobo. Ta trata di un boto nobo y bon ekipa cu ta un donacion di Aruba Way Foundation di Valero, cu lo reforsa su ekipo di buskeda y rescate riba lama. E bautismo di e boto “Aruba Way Rescue” a tuma luga na Bucuti Yacht Club Aruba. Miembronan boluntario di SARFA tabata feliz di por a conta cu e contribucion di di Aruba Way Foundation di Valero pa logra e boto aki, ya cu nan ta un organisacion cu ta depende riba donacion y patrocinadonan pa por eherce su tarea hopi importante riba lama. Pabien SARFA!

Celebracion di nombracion simultaneo di dos Director ehecutivo

Monday, 30 August 2010 18:49 Written by Administrator

Banco Central a celebra den grandi e nombracion di Myriam Tromp Gonzalez y Prakash Mungra como Directornan Ehecutivo di e institucion. Un nombracion cu a keda oficializa durante un recepcion grandi den Marriott Resort, cu presencia di Su Excelencia Gobernado Fredis Refunjol, dignitarionan local y di Antias, ademas di varios invitadonan di e sector comercial, syndical y sigur bancario di nos pais.
E celebracion segun Presidente di Banco Central Jane Figaroa Semeleer, ta pa motibo cu kier festeha cu e maneho di Banco Central un biaha mas ta carga pa un team complete. Ademas, ambos ta ehecutivonan cu amplio experencia den henter e mundo economico, monetario y di control na Aruba. Pero aunke cu ambos tin 20 aña trahando caba cu Banco Central, nan nombracion no a bin sin mas, djis pa motibo di tradicion. Al contrario, ambos ehecutivo mester a pasa dor di un proceso di solicitud rigoroso.

PAR tin mayoria di voto, pero MFK ta e gran sorpresa

Monday, 30 August 2010 18:36 Written by Administrator

WILLEMSTAD – Den un proceso electoral cu a cana di un manera hopi nechi, Corsou a tene ayera su eleccion pa Eilandsraad. Na cierre di e edicion aki tabata falta tabatin resultado di 96 urna, kier men e gran mayoria. E cifranan di e urnanan aki a duna como partido mas grandi na PAR lidera pa Sra. Emily De Jongh-Elhage cu 22.096 voto sigui pa MFK di Gerrit Schotte cu 15.805 voto y Pueblo Soberano cu Helmin Wiels na cabes, ta ubica na di tres luga cu 13.716 voto. Esey tabata, te cu e momento ey cu PAR tin 6 asiento plus 2 restzetel, mientras cu tanto MFK como Pueblo Soberano, cada un tin 4 asiento, plus 1 restzetel.
Sorprendentemente, MFK a logra un acogida grandi den e pueblo di nos isla ruman, den apenas 7 siman. PAR di su banda a cay atras den mayoria urna mientras cu Wiels a laga sa cu e ta habri pa papia, pero nunca cu e partido di De Jongh-Elhage. Sin duda algun, den proximo dianan lo mira desaroyonan interesante lo tuma luga na Corsou, mientras cu por bisa cu e gran ganado tabata e pueblo mes cu a eherce su derecho democratico di voto.