Maggy’s  Duty Free Perfumes and Cosmetics cu hopi satisfaccion a clausura nan campaña promocional patrocina pa fragancianan Lacoste cu entrega di e premio na su feliz ganado. E promocion aki a core durante henter luna di Juni ultimo caminda clientenan por a participa den e rifa di un aparato di wega Wii cu cada compra di cualkier perfume Lacoste Essential Sport di 100 ml. Algun dia atras Maggy’s a realiza e sorteo caminda, manera e potretnan ta ilustra, e man inocente di e yiu di un empleado di e perfumeria mes a saca e cupon cu nomber di Julissa Croes, kende a cumpra su Lacosta Essential na Maggy’s di Paseo Herencia.
Julissa a keda invita ayeratardi pa pasa na e mesun sucursal di Maggy’s pa asina ricibi su premio. Representante di e perfumeria a haci entrega di esaki y di e manera ey ta sera otro campaña grandi cu a comparti entre clientenan como un beneficio adicional di ta cliente di Maggy’s. Masha pabien na Julissa Croes cu su premio.