E diseño di e rugtas a tuma dos aña di desaroyo entre test y evaluacionnan prome e por a subi mercado. Awor e ta obtenibel na Aruba tambe.

Loke por bira e fin di e problemanan di Ipod y celular cu ta keda sin bateria a ser lansa ayera na Aruba door di e tienda Totto situa na Palm Beach Plaza. Despues di dos aña di investigacion e marca di origen Colombiano, pero di fama internacional a presenta un rugtas innovador cu ta conta cu un aparato cu ta warda energia solar y ta laga recarga aparatonan mobil di uzo diario y masivo manera Ipod, MP3, telefon celular y BlackBerry.

E diseño di e rugtas aki ta 100% Colombiano y no ta nifica ningun peso adicional pa esun cu use. Al contrario, ta permiti su usuario spaar energia y e alternativa di recarga cualkier aparato for di unda cu e kier sin ningun inconveniente.
E marca cu a mustra di ta hopi comprometi cu medio ambiente y un muestra di esey, e rugtas cu screen solar ta ideal pa esnan cu tin cu keda hopi tempo pafo di oficina y no tin chens di recarga nan aparatonan.
Representante di Totto a bisa cu e diseño di e rugtas aki a tuma casi dos aña entre test y evaluacion cu a permiti haya un producto multifuncional y facil di carga. A agrega cu e modelonan nobo aki a cuminsa bende den tur tienda di e marca tanto na Colombia como den exterior, sin sali foi liña di e estilo y prijs caracteristico di Totto.
Mas bien, e alternativa nobo aki ta e confirmacion cu e ola berde tambe a yega na e acesorionan cu tin un demanda halto entre studiante y ehecutivonan.
Segun e directiva, e uzo di energia solar den e rugtas a rekeri e fabricacion cu materialnana hopi mas resistente y di duracion largo sin descuida beneficionan conoci pa consumidornan di e producto manera comodidad y ergonomia ora di use.
E elemento nobo aki cu for di awor lo por haya esnan cu ta pro medio ambiente y tecnologia, tambe ta ofrece banchinan ‘quilted’ pa mas comodidad, varios organisado funcional y un laptop carrier.

Pa Recarga
E funcionamento ta ‘hopi simpel’, ya cu djis mester energia solar pa funciona. Ora ta activa e panel mester ta expone na luz di solo pa recarga e bateria; ya cu e rugtas tin varios conector cu ta sirbi hopi aparato, djis scoge esun adecua, conecta y ta cla.
E producto ta disponibel awor na Aruba tambe. Tambe e por recarga cu luz artificial.

 

 

Coleccion nobo ecologico ta bin den preto y blauw
Rugtas di Totto ta laga bo recarga bo aparatonan electronico