modelo di Chaz Models

Aruba bon representa na congreso Draft Models International 2010
The Chaz Modeling & Talent School ta hopi orguyoso pa participa na e pueblo di Aruba cu e siman aki 2 representante di Aruba lo ta biahando pa Republica Dominicana pa e congreso Draft Models International 2010. Aruba lo ta representa den nomber di Lynette do Nascimento. Lynette no ta un hoben desconoci aki na Aruba y na e congreso aki. Lynette ta e ganadora di Miss Teen Model International 2010 y tambe Miss Teen Aruba 2010.

Lesa mas.....

R.E. Yrausquin & Sons lo aporta na e proyecto “Stop Child Abuse”

Ford y R.E. Yrausquin & Sons hunto den “Global Week of Caring 2010”
E aña aki Ford ta celebrando su di “Fifth annual Global Week of Caring Event”. Un evento cu ta tuma lugar den luna di september, caminda empleadonan di Ford, dealernan y pensionadonan di Ford lo haci uzo di nan habilidad y nan curason pa drenta areanan di nan comunidad pa construi casnan, renoba shelternan y duna di come na esunnan cu no tin.

Lesa mas.....

“Curacao North Sea Jazz Festival 2010”

Curacao tin un evento nobo cu e por considera como su evento premiere di anja pa e proximo 5 añanan.Tres diferente escenario, riba cual artistanan legendario manera La India, George Benson y Lionel Richie mester a presenta tabata profesional manera cualkier presentacion den exterior.Un promocion a pone cu esnan cu a cuminsa yega Corsow e siman cu a pasa, no por a scapa di e fiebre di e festival. Tabata como si fuera henter e isla a converti su mes den un isla di North Sea Jazz. Bandera, potret, banner, t-shirt, camisa y mucho mas. Corsow tabata come, bebe y biba e festival den tur su estilo cu e tabata por. Suficiente lugar pa tur hende, cuminda, bebida y facilidad a pone cu tur esnan cu a presenta, no tabatin nada di keha. Cu 18 artista grandi parti riba 2 dia, Corsow sigur por mira atras riba un evento sumamente exitoso, y cu ta pone cu e mes tin cu supera su mes otro aña y cu tur otro, lo tin cu purba iguale pa por bisa cu nan tambe ‘a dal un grandslam den mundo di espectaculo’

Kòrsou tin Konseho Insular i BC nobo

Konstitushon a pasa ku 15 voto na fabor i 6 kontra
WILLEMSTAD – Den oranan lat di anochi djasabra anochi, Konseho Insular di Korsou a pasa e konstitushon pa Korsou ku 15 voto na fabor i 6 kontra. Ku esei a habri kaminda pa ratifika e akuerdonan durante un konferensha di mesa rondo e siman aki. E konferensha ki lo tuma luga djawebs awor. Un delegashon di e gobiernu nobo di Korsou instala djasabra tambe lo manda un representante. E gobiernu nobo ta konsisti di partidonan ku a opone e akuerdonan ku Ulanda fuertemente. Un desaroyo nobo ta ku den e reunion di djasabra a asepta un desishon pa bai traha riba independensha di Korsou. E desishon ei a pasa ku 11 voto pro i 10 kontra. Oposishon a alega ku no por papia di independensha tanten no a konsulta ku pueblo.

Lesa mas.....

Parlamento ta acepta cambio di Statuut cu mayoria simpel

Cu un mayoria simpel di 12 pro y 9 contra, Parlamento di Aruba a acepta e cambionan di Statuut cu ta habri porta pa desmantelacion di Antias Hulandes y creacion di Paisnan Corsou y St. Maarten. Un mayoria simpel despues cu durante e prome reunion no a logra e dos tercera parti di mayoria di parlamento.

Lesa mas.....

Di dos Starbucks situa den Renaissance Mall

Despues cu nuebe luna pasa Aruba a cera conoci cu e prome Starbucks Coffee, situa den Renaissance Marketplace, e siman aki e di dos Starbucks a habri su porta den Renaissance Resort pero den un concepto un tiki diferente cu esun cu a haci su debut na Aruba.

Tabata relaciona cu celebracion di Dia di Prensa na Aruba, cu gerencia di Renaissance Resort a invita miembronan di prensa local pa no solamente cera conoci cu e instalacion nobo aki pero tambe saboria un di e productonan cu Starbucks ta ofrece.

Lesa mas.....