|
|
|
Falta algun dia pa e grandioso 25th Aruba International Half Marathon y e total cu ta permiti pa inscribi ta casi yen. |
 Tur esnan cu a inscribi caba pa e grandioso Aruba International Half Marathon por pasa busca nan number di participacion desde awe.
Na e forma con e inscripcion ta bay, tin cu avisa esnan cu ainda no a inscribi pa haci esaki mas liher posibel. Falta solamente algun dia pa e grandioso careda Aruba International Half Marathon tuma lugar y casi inscripcion ta yega e suma maximo di 600 participante cu ta permiti.
Remarcabel ta e biaha aki un gran cantidad di participante ta bin for di Curacao y tambe for di USA. E ultimo dia di inscripcion ta diasabra 13 di maart na IDEFRE for di 9:00 am te 1:30 pm. Inscripcion ta costa Afl. 25,00 pa atleta local y $15,00 pa atleta internacional cu ta inclui un T-shirt y un medaya di participacion na momento cu e participante finalisa e careda y T-shirt. No por inscribi na e start pa motibo di administracion y logistica.
Atencion automobolistanan !!
Tene cuente cu e participantenan cu ta participa na e marathon dia 14 di maart.
IDEFRE ta hasi un apelacion riba automobilistanan pa tene cuenta cu e participantenan di e Aruba Int’l Half Marathon cu lo ta riba caretera principal di San Nicolas pa Playa. E actividad aki ta tuma lugar dia 14 di maart y ta cuminsa for di 5:30 di mainta cu competencia di canamento y 6:00 di mainta e careda ta cuminsa.
Ta pidi tur participantenan pa keda riba e banda drechi di e caretera te ora nan yega Valero Boulevard y despues di aki ta sigui na e banda robes di caminda.
Ta prohibi pa auto compaña e participante pa motibo cu esaki por trece peligro pa trafico y na mesun momento no ta saludabel pa e propio participante.
Pa mas informacion por tuma contacto cu Willy Willems na IDEFRE tel.582-4987 /5930414. |
|
Weganan di video violento prohibi na Venezuela |
 Den e proximo dianan lo cuminsa e proceso pa suministra informacion pa tur cybercafé y salanan di wega di video.
E anuncio oficial a keda publica den Gaceta Oficial, number 39.320, e Ley pa prohibicion di weganan di video y coy hunganan, aproba na december ultimo door di e integrantenan di Asamblea Nacional, cu a drenta na vigor diarason, 3 di maart, cual tur hende mester cumpli cune.
E instrumento legal ta consisti di 14 artículo y tin como obhetivo prohibi e fabricacion, importacion, distribucion, compra, venta, huur y uso di weganan di video y coy hunganan belico; e ta aplicabel na tur persona of negoshi cu ta opera riba e teritorio Venezolano.
Ta trata di tur e weganan cu por ser usa riba computer, laptop, of esnan cu ta wordo conecta na television, dispositivonan portatil of telefonnan celular, pero tambe cualkier coy hunga of cosnan cu ta simboliza imagennan cu ta promove violencia of uso di armanan.
|
|
|
|
