|
Caso di Natalee Holloway ta bolbe haya vida |
|
Joran van der Sloot su nomber a bolbe cai ayera den e caso di desaparicion di Natalee Holloway ora cu Fiscal Hans de Mos a confirma oficialmente, cu tin evidencianan nobo den e caso aki, y cu autoridadnan ta investigando e pruebanan aki, y cu tin posibilidad grandi cu por fin lo por hiba Joran dilanti di mesa berde.
Kico precisamente e pruebanan aki ta, de Mos no kier a divulga pero aparentemente tin mas hende cu kier bin dilanti y duna nan version di loke nan a mira of no mira di e caso di desaparicion di e studiante Mericano.
Den declaracion duna na CNN, fiscal de Mos ta mustra cu e posibilidad ta grandi cu lo hiba Joran dilanti Huez pa para responsabel den e caso di desaparicion di e studiante mericano.
|
|
|
Detencion di dos comerciante prolonga den caso di 1.5 miyon dollar horta di banco |
 Tanto e ex oficial di polis y actualmente comerciante Tom v.d.B. y e comerciante Chines, K. F.H., ayera mainta a scucha Huez Comisario autoriza prolongación di nan detencion, relaciona cu investigacion di e caso di robo millonario algun siman atrás.Den e robo aki nan a bai c’un suma di 1.5 miyon di dollar cu ta placa di Aruba Bank, cual a ser horta for di un auto blinda di un compania di seguridad.
Varios detencion a cai den e ultimo simannan y diasabra mainta autoridadnan a detene e dos comerciantenan aki, kendenan ta masha popular den comunidad. Polisnan no kier a duna mucho informacion riba e investigacion cu ta tumando lugar pero a confirma cu a prolonga detencion di e dos personanan aki.
|
|
|
Homenet real estate, Tiger Taekwondo Academy y Peach 22 Productions ta invita bosonan tur reporteronan pa ta presente na e Press release di : e prome " King of the Ring" un evento international cu atletanan foi, Aruba, Santo Domingo y Brazil.
Dia 19 di november (Diaranzon awo) proximo na HOOTERS na Palm Beach enfrente di Occidental Resort Aruba pa 4:00 pm, lo ta bai ta presente e orgasnisadornan pa duna un relato completo di e event y tambe e atletanan.
Di e manera aki bosonan tur ta keda invita y boso presencia sigur lo yuda engrandese e deporte di Mix Martial Arts.
E evento mes lo tuma lugar dia November, 28, 2008 na Centro Libertador Betico Croes na Santa Cruz y lo habri porta pa 7:00 pm y evento lo kwinsa pa 8:00 pm en punto! |
|
|
